15:21 - 4.06.2026

---

4 iyun, Fineko/abc.az. Yaponiya Bankının (BOJ) sədri Kazuo Ueda Tokioda keçirilən forumdakı çıxışında tənzimləyicinin uçot dərəcəsini artırmağa davam edə biləcəyinə işarə edib.

ABC.AZ xəbər verir ki, K.Ueda rəhbərlik etdiyi qurumun əsas iqtisadi ssenarisinin reallaşacağı təqdirdə faiz artımının qaçılmaz olduğunu bildirib.

"Məsələn, Mərkəzi Bank əsas ssenarinin reallaşma ehtimalının artacağına, yəni Yaxın Şərqdəki gərginliyin tədricən azalacağına və mülayim iqtisadi artımın dəstəyi ilə baza rəqəmlərinin (baza İstehlak Qiymətləri İndeksi — TÜFE) tədricən 2%-ə doğru yüksələcəyinə qərar verərsə, Mərkəzi Bankın siyasət faiz dərəcəsini uyğun bir sürətlə artırmağa davam edəcəyini düşünürəm", — deyə BOJ sədri vurğulayıb.