20:00 - 4.06.2026

---

4 iyun, Fineko/abc.az. Qırğızıstan hakimiyyəti xaricdə (əsasən Rusiyada) çalışan vətəndaşlarının vətənə qaytarılması istiqamətində rəsmi kurs elan edib.

ABC.AZ xəbər verir ki, bunu Baş nazirin birinci müavini Daniyar Amangeldiyev Sankt-Peterburq Beynəlxalq İqtisadi Forumu çərçivəsində bildirib. Onun sözlərinə görə, bu məsələ hökumət üçün strateji əhəmiyyət daşıyır.

Əsas məqsəd yalnız daxili kadr çatışmazlığını aradan qaldırmaq deyil, həm də miqrantların xaricdə qazandığı peşəkar təcrübədən səmərəli istifadə etməkdir.
Kadr axınını stimullaşdırmaq üçün Bişkek sosial dəstək tədbirləri, o cümlədən güzəştli ipoteka proqramı tətbiq edir. Rəsmilərin sözlərinə görə, ölkədə əmək şəraiti yaxşılaşır, maaşlar artır və bu, geri qayıdan mütəxəssislər üçün bazarı daha rəqabətli edir.