07:33 - 4.08.2026
4 avqust, Fineko/abc.az. Qlobal sığorta nəhəngi "Allianz Trade" təqdim etdiyi "Metal Sektörü Raporu"nda Türkiyənin metal və metallurgiya sənayesinin 2026-cı ildə 208 milyard dollarlıq rekord həcmə çatacağını proqnozlaşdırır.
Hesabatda qeyd olunur ki, külli miqdarda strateji investisiyalar və qlobal tələbin bərpası sayəsində Türkiyənin əsas metallurgiya sektoru 2026-cı ildə 14,4% artım nümayiş etdirəcək. Şirkətin hesablamalarına əsasən, qlobal metal və mədənçilik sektorunun ümumi həcmi 2025-ci ildə 9,6 trilyon dollara, 2026-cı ildə isə 10,4 trilyon dollara çatan zaman Türkiyə aparıcı oyunçulardan biri olmağa davam edəcək.
Sektor üzrə əsas proqnozlar:
Polad istehsalı: 2024-cü ildə 36,9 milyon tonla dünyada 7-ci yerdə olan Türkiyə, polad hasilatını 2025-ci ildə 38,1 milyon tona, 2026-cı ildə isə 40,8 milyon tona qaldıracaq.
Əlvan metallar (Mis və alüminium): İllik 20% böyümə ilə sektorun ən dinamik seqmentinə çevriləcək və istehsal həcmi 40,9 milyard dollara yüksələcək.
Mədənçilik sektoru: Qızıl, mis və bor investisiyaları hesabına 2026-cı ildə 18,2 milyard dollarlıq ümumi hasilata çatacaq.
İnvestisiyalar (CapEx): Sektorda kapitallaşma xərclərinin 17,8 milyard dollara çatacağı gözlənilir.
"Allianz Trade Türkiye"nin Baş direktor müavini Altuğ Karagöz şirkətin bu sektora təmin etdiyi risk zəmanəti həcmini 25% artıraraq 677 milyon avroya çatdırdıqlarını bildirib. Hesabatda Türkiyənin 2028-ci ildə ümumi metal hasilatını 227 milyard dollara çatdıracağı və dünyada ilk 10 polad istehsalçısı sırasındakı mövqeyini qoruyacağı vurğulanır.
