07:04 - 4.08.2026
4 avqust, Fineko/abc.az. ABŞ-nin elektron ticarət və bulud texnologiyaları nəhəngi "Amazon.com Inc."in bazar dəyəri tarixində ilk dəfə 3 trilyon dollar həddini aşıb. Şirkət bu göstəriciyə çatan dünyada beşinci ticarət nəhəngi olub.
Bazar ertəsi birja ticarətinin başlaması ilə şirkətin səhmləri 5,3% yüksəlib. Bu artım "Amazon"un ikinci rüb üzrə maliyyə hesabatında bulud xidməti olan "Amazon Web Services" (AWS) bölməsinin gəlirlərində 2021-ci ildən bəri ən böyük sıçrayışı qeydə almasından sonra baş verib. Nəticədə şirkət "Nvidia", "Alphabet", "Microsoft" və "Apple"dan sonra 3 trilyon dollarlıq kapitalizasiya həddini keçən növbəti texnologiya giqantına çevrilib.
"Amazon"un bazar dəyəri 2024-cü ilin iyun ayında ilk dəfə 2 trilyon dollara çatmışdı. Şirkətin 2 trilyondan 3 trilyon dollarlıq həddə yüksəlməsi iki ildən bir qədər artıq vaxt aparıb. Uoll-Strit (Wall Street) analitikləri səhmlərin il ərzində daha 14% dəyər qazanacağını proqnozlaşdırırlar.
