11:29 - 23.07.2020

---

23 iyul, Fineko/abc.az. Yanvar-iyun aylarında satılmış məhsulların və göstərilmiş xidmətlərin dəyəri 22 milyard manat təşkil edib.

ABC.AZ Dövlət Statistika Komitəsinə istinadən xəbər verir ki, bu rəqəmlər 2019-cu ilin eyni dövrünə nisbətən müqayisəli qiymətlərlə 6,4% azdır.

Qeyri-dövlət sektorunun təsərrüfat subyektləri tərəfindən satılmış məhsulların və göstərilmiş xidmətlərin dəyəri ötən ilin birinci yarısı ilə müqayisədə 6,1% azalaraq 21,2 milyard manata bərabər olub, onun 48,3% fərdi sahibkarların fəaliyyəti sayəsində formalaşıb.

Hesabat dövründə istehlak bazarında bir istehlakçı orta hesabla ayda 367,5 manat və ya 2019-cu ilin eyni dövrünün göstəricisindən nominal ifadədə 16,3 manat az vəsait xərcləyib.

Müəllif: Elmir Murad