17:01 - 14.02.2020

---

14 fevral, Fineko/abc.az. İlin sonuna kimi vergiödəyiciləri yeni nəsil nəzarət-kassa aparatları (NKA) ilə təmin olunacaq.

ABC.AZ İqtisadiyyat Nazirliyi yanında Dövlət Vergi Xidmətinə istinadən xəbər verir ki, kölgə iqtisadiyyatının azaldılması üçün nağd dövriyyələrə də nəzarət edilməsi məqsədilə 2019-cu ildən yeni nəsil nəzarət-kassa aparatlarının tətbiqinə başlanılıb. Bu proses 4 mərhələdən ibarətdir.

İlk 2 mərhələ 2019-cu ildə 91 faiz icra edilib. 2020-ci ildə 3-cü mərhələnin icrasına başlanılıb və artıq 17,1 faizi icra olunub.

Tam olaraq bütün vergiödəyicilərinin əhatə edilməsi isə 2022-ci il dekabrın 31-də başa çatacaq. Bu dövrədək vergi orqanları nağd əməliyyatları həyata keçirən bütün obyektləri, əsasən də pərakəndə ticarət və ictimai iaşə obyektlərini yeni nəsil NKA-lar ilə təmin etməlidirlər.